fuckTHEsystem, 42 - 7 января 2010 12:26

[B]Beş yeni planet tapılıb[/B]

Günəş sisteminin xaricində dünyaya bənzər planetlər tapmaq məqsədi ilə ABŞ-ın 2009-cu ilin mart ayından kosmosa göndərilən kosmik teleskopu “Kepler” beş yeni planet aşkar edib.


Ancaq verilən məlumatlara görə, sözügedən planetlər çox isti olduqlarına görə, yaşayış üçün əlverişli deyil. Bu haqda məlumat verən NASA-nın Ames Araşdırma Mərkəzinin tədqiqat qrupunun başçısı Villiam Boruki bu istiqamətdə fəaliyyətlərini davam etdirəcəklərini deyib.

“Bu kəşflər “Kepler”in nəzarət cihazlarının dəqiq işlədiyini və bütün vəzifələrini dəqiq şəkildə yerinə yetirmək iqtidarında olduğunu sübut etdi”,- Boruki deyib.

Kəşf edilən planetlər olduqca isti olduqlarından“İsti Yupiter” kateqoriyasına aid edilib.

Boruki yeni kəşf edilən 5 planet də daxil olmaqla, 1995-ci ildən bəri digər teleskopların kəşf etdiyi planetlərin ümumi sayının 415-ə çatdığını bildirib.

“Yeni kəşf edilən planetlər ulduzların ətrafında 3,3 -4,9 gün dövr edir. Bu, həmin planetlərin ulduzlara çox yaxın olduğunun sübutudur. Oradakı istilik lavada olan istilikdən də artıqdır. İsitlik 1200- 1648 dərəcə santiqrata çatır”, - deyə Boruki sözlərinə əlavə edib. Habelə o, bu planetlərin Günəşdən də böyük olduğunu bildirib.

• 
• 
•